قصيده عن المرجله تفضلوووو

الجنس : عدد المساهمات : 93

السلام عليكم ورحمة الله وبركاته

بــصرحه اعجبتنى هذى القصيده ,,
قـصـيـدة مـنـقــولـة

إذا المراجل لبسـة شماغ وعـقال ===== قــل للعــذارى يلـبـسـن العـمايـم

ماعـاد يـفـرق زول حـرمة ورجال ===== دام الفعايل تشـبه البعـض دايـم

المـرجلة ماهـيـب كلـمـة وتـنـقـال ===== وتروح ما راحت هبـوب النسايم

والاّ خشونة صوت أو رفع الأثقال ===== أو رزّة إصـدور وفعــل الـزلايـم

ولا هي بعـد مفـتاح موتـر وجـوال ===== والاّ رَدّ إلسـانن حـديـثه شـتايـم

المرجلة شـيمة عـن القيـل والقال ===== رفـيع نـفـســن حـر بالجـو حايـم

المرجـلة عـقـلٍ وَزِنْ وَزْنِـه اجـبال ===== ودون العقل وش فرقنا والبهايم

يامـسـنـدي لو مايل الـوقت بي مال ===== ياولـد إبُـويَـه يا عظـيم العـزايم

يامعـرب الجـديـن من العـم والخال ===== يا نخوة المفزوع وقت الهزايم

المرجلة ياخـوي فـي طـولة البال ===== هي العزم هي الصبر في الظلايم

فـيهـا الـكـرم عِـزّه دلة وفـنجـال ===== فيها الكرامة عن ردي الطبع شايم

والـدِّين لا منه خـذا القلب منزال ===== مـشـى طـريق الحـق وابليـس نايم

ومن لاعرف ربه في طيب الحال ===== لابـد وقــت الـضـيـق بالهـم هــايـم

حتى صلاتك مع جماعات ورجال ===== فـي خيــرها ياخُـوي نعـم الغـنايـم

ولا من نصف ليلك قم صفي البال ===== ياعـظم أجـرك بيـن ساجـد وقايم

ولا من رفع ربي لك كل الاعمال ===== حسن الذكر لا قالـوا فلان صايم

وخلك شريف القصد يا طيّب الفال ===== سـوء المقاصد فالبيوت الهـدايم

واحذر تبيع النفس في درب ال*************** ===== وتتبع خـويّ إبليس راع النمايم

النـفـس خـيـلٍ لك إذا كـنــت خيّـال ===== ومن لا قوى نفسه قََوَتْه العزايم

والا صِرت ما تدري لْوِيْشْ أنت رجّال ===== والله خـسـارة فيـك ذبح التمايم

Invitado

الله يعطيك العافيه

» قصيده مؤثره
» كيف تكتب قصيده ..خطوه بخطوه